Հայ-հնդկական հարաբերությունները նշանավորվում են դարավոր բարեկամությամբ և այժմ հասել են նոր ռազմավարական մակարդակի, հատկապես՝ վերջին տարիներին, ասել է Հնդկաստանի ԱԳՆ խոսնակ Ռանդհիր Ջայսվարին` Արմնեպրեսի փոխանցմամբ։
Նրա խոսքով՝ Հնդկաստանը Հայաստանին համարում է ոչ միայն որպես գործընկեր և Հարավարևմտյան Ասիան Հարավային Կովկասով Եվրոպային կապող իր ավելի լայն կոնցեպտի մաս, այլև դիտարկում է Երևանի հետ իր հարաբերությունները որպես հիմնված խորը պատմական կապերի վրա։
Ռանդհիր Ջայսվարին հիշեցրել է, թե ինչպես Լևոն Տեր-Պետրոսյանը, իջնելով ինքնաթիռից 1995 թվականի դեկտեմբերին, համբուրել է օդանավակայանի թռիչքուղին և ասել. «Այս հողը մեզ համար հատուկ է»:
«Մենք տարբեր ձևերով աջակցում ենք Հայաստանին։ Մենք ունենք ամուր երկկողմ կապեր։ Կան նաև քաղաքական կապեր։ Մեր պաշտպանական հարաբերությունները նույնպես շատ ամուր են հիմա», — նշել է Ջայսվարին:
