Չեք կարծում, որ այս մարդիկ խայտառակում են ինձ, քեզ, քո ընկերներին, ամբողջ Հայաստանի իրական անունը: Այս մասին ասել է «Ուժեղ Հայաստան» կուսակցության անդամ Շիրազ Մանուկյանը:
«Ամբողջ խնդիրը նրանում է, որ այսօր ստախոս վաճառականը՝ իր թույլ տեսակով, սպասարկում է Ադրբեջանի առաջնորդի ցանկությունները, իր փոքրիկ շրջանակով աջակցում է ադրբեջանական քաղաքականությունը: Մեզ ուժեղ դիվանագիտություն է պետք, որ հստակ երևան կարմիր գծեր: Ինձանից ավելի լավ գիտեք՝ ոչ մեկիս համար գաղտնիք չէ, որ այսօր Հայաստանի սուվերեն տարածքում շարունակում է մնալ ադրբեջանական զորքեր:
Հայաստանի մասին ինչպես ասես խոսում են, բայց դրան համապատասխան պատասխան չի եղել և չի լինում նախորդ 4-5 տարում, մենք միայն զիջում ենք, միակողմանի զիջում ենք:
Հունիսի 7-ից հետո ուժեղ առաջնորդի ուժեղ դիվանագիտությունը որդեգրելու է հստակ կարմիր գծեր, որտեղ մենք չենք հրաժարվելու ոչ մեր ազգային դիմագծից, ոչ հիշողություն պահպանող ինստիտուտից, եկեղեցուց։ Հայաստանը ուժեղ է լինելու Սամվել Կարապետյանի հետ, ինչքան էլ, որ այս խոսքը դուր չի գալիս մի փոքրիկ խմբակի»,-նշել է նա:
