Ընդհանուր առմամբ, ՀԷՑ-ի հետ կապված իրավիճակը գնահատում եմ փոքրիկ խմբակի կողմից պարտված: Կոնկրետ այս դեպքում իրենք պարտվել են ու պարտվել են 100%-ով: Այս մասին ասուլիսի ժամանակ ասել է «ՀԷՑ» ՓԲԸ նախկին տնօրենի պաշտոնակատար Դավիթ Ղազինյանը:
«Բացի օրինակները բերելուց, այսքան ժամանակ հիմնավորելուց, ապացուցելուց, իրենց բերած թեմաները չակերտների մեջ ջախջախելուց, կոտրելուց, նաև դատարանը ֆիքսեց այս ամեն ինչը և կարծում եմ՝ բացի շահագրգռված մարդկանցից, Հայաստանի Հանրապետությունում չկա այլևս մեկը, որը կասկածի սրա քաղաքական լինելու մեջ»,-նշել է նա։
