Մեր գյուղում՝ Սարամեջում, ճանապարհներ չեն ասֆալտապատում, սակայն Սպիտակի քաղաքապետարանը տեղեկատվություն է տարածել, թե աշխատանքները մեկնարկել են։ Այս մասին NewDay.am-ին ահազանգել է Լոռու մարզի Սարամեջ համայնքի բնակիչներից մեկը։
«Այլ գյուղի նկար են հրապարակել՝ ներկայացնելով, թե աշխատանքներ են սկսել։ Նման բան չկա։ Ես գյուղից նկարները կուղարկեմ, ինչպես նաև քաղաքապետարանի հրապարակումը․ հիմա, երբ գնացել եմ բողոքելու, նկարը հանել են, բայց իրենց գրածը պահել եմ։ Ուզում եմ, որ հասկանան՝ խոսքը ոչ թե գյուղ տանող ճանապարհի, այլ գյուղի ներսում գտնվող ճանապարհների մասին է»,– նշել է մեզ դիմած բնակիչը։
Նա նաև ասել է, որ դիմել է քաղաքապետարան և մարզպետարան, սակայն սպառիչ պատասխան չի ստացել, թե երբ են իրականում մեկնարկելու հայտարարված աշխատանքները։
Ներկայացնում ենք բնակչի ուղարկած լուսանկարները։
