Իմ վրա եկել էին «ՔՊ-ական իսկանդերները»՝ Դուբայի Ջեմուլը, ապարանցի Անժոն, Լիլիան, Ժաննան: Այս մասին Երևանի ավագանու հերթական նիստի ընթացքում ասել է ավագանու «Մայր Հայաստան» խմբակցության անդամ Մեսրոպ Մանուկյանը:
«Քանի-որ համատիրություն-բնակիչներ հարաբերության արդյունքում ամենաշատը տուժում է բնակիչը, իմ առաջարկությունն է՝ գույքահարկի թանկացումից մի որոշակի փոքր գումար հատկացվի, որ շենքի տակի կոլվատար համակարգերը սարքվի։ Իրավական առումով կարող ենք ասել, որ մեր հետ կապ չունի, գցենք, անցնենք առաջ, բայց դա նորմալ ու արդար չէ այս պարագայում։ Երևանն արդեն դարձել է ծաղրի առարկա, ամեն անձրևից հետո լճեր են գոյանում և քանի-որ ՔՊ-ականները ինձ շատ են ուրախացնում, ուզում եմ մի ուրախ պատմություն պատմեմ: Պարոն Փամբուխչյան, առաջարկել էի ձեզ գնանք քայլենք, եկել էի Մալաթիա, բայց եկեք տեսեք, որ քայլելու ժամանակ հրապարակ եկան ՔՊ-ական իսկանդերները՝ եկան գեղի ջոչերը, երկար բարակ պոչերը:
Իմ վրա եկել էին Դուբայի Ջեման՝ Ջեմուլը, նույն ինքը եկեղեցու հետ շրջիկ խմբի անդամը, եկել էր նաև մի կին, ով ասաց՝ Աբարանցի Անժոն եմ, թե ինչ կապ ունի աբարանցի Անժոն քաղաքի խնդիրների հետ, չգիտեմ։ Հաջորդը եկել էր Լիլիան, մեկնաբանություններում գրում էին՝ ոստիկան Տիկոն երկու կռուգ ֆռաց, թե որտեղ, չգիտեմ, հաջորդը իմ վրա եկել էր հանցախոր վստահությամբ ՔՊ-ական Ժաննան: Պարոն Ավինյան, հիմա հարց տամ, ի՞նչ գործ ունեին աշխատանքային ժամին այդտեղ թաղապետարանի աշխատողները: Ձեր թաղապետի տեղակալը, որ այդպիսի ժամերին զվռնելու փոխարեն մտներ 40-ամյակի այգին, տեսներ խայտառակ ձև են սարքում, թուք ու մուր աներ շինարարին, աչքիս լույսը կլիներ: Ուզում եմ հասկանամ, Մալաթիա մարդ չկա՞ր թաղի բնակիչներից, սա էլ հերիք չի, բեմադրող ռեժիսորը շատ վատն էր, երբ գալիս էր, շորիցս էր քաշքշում, ասում էի հեռու գնացեք, գոռում էին՝ միլիցիա: Շարունակեք ձեր ոճը, շնորհավորում եմ»,- նշել է Մանուկյանը:
