ՀՀ վերաքննիչ դատարանն անփոփոխ է թողել Սոնա Մնացականյանի և նրա չծնված երեխայի վրաերթի գործով Առաջին ատյանի դատարանի որոշումը։ Այս մասին հայտնում է Սպուտնիկ Արմենիան։
Մասնավորաբար, դատարանը մերժել է պաշտպանության և տուժող կողմերի ներկայացրած բողոքները՝ վրաերթ կատարած ոստիկանության մայոր Արամ Նավասարդյանի պատիժը՝ 1․6 տարվա ազատազրկումն անփոփոխ թողնելով։
Պաշտպանության կողմը վերաքննիչ բողոք էր ներկայացրել՝ պահանջելով արդարացման վճիռ, իսկ տուժող կողմն էլ պահանջում էր ավելի պատիժ խիստ։
Sputnik Արմենիայի հետ զրույցում տուժող կողմի պաշտպան Րաֆֆի Ասլանյանը նշեց՝ դժգոհ են վերաքննիչ դատարանի կայացրած որոշումից։ Կարծում են, որ Արամ Նավասարդյանի համար, ըստ էության, սիմվոլիկ պատիժ է նշանակվել, և պատրաստվում են այն բողոքարկել արդեն վճռաբեկ դատարանում։
Հավելենք, որ 2022 թ. ապրիլի 26-ին` ժամը 18:05-ի սահմաններում, ՀՀ վարչապետին ուղեկցող մեքենան Երևանում վրաերթի էր ենթարկել հղի Սոնա Մնացականյանին։ Նա տեղափոխվել էր «Նաիրի» բժշկական կենտրոն, որտեղ մահացել էր։
Դատարանը մեղադրյալ Արամ Նավասարդյանի վերաբերյալ մեղադրական վերդիկտ կայացրեց 2025 թվականի հուլիսի 30–ին` դատապարտելով մեկուկես տարվա ազատազրկման։
