Gallup International Association»-ի Հայաստանում լիիրավ անդամ՝ Էմ Փի ՋԻ ՍՊԸ տնօրեն Արամ Նավասարդյանը ներկայացրել է հարցման արդյունքներ, 2026 թվականի հունիսի 7-ին կայանալիք խորհրդարանական ընտրություններին որ կուսակցությունների կամ դաշինքների օգտին են քվեարկելու:
Հարցվածների 32,4 տոկոսը նշել են «Քաղաքացիական պայմանագիր» կուսակցություն, 16,4 տոկոսը նշել է «Ուժեղ Հայաստան» կուսակցություն, «Հայաստան» դաշինքին քվեարկել է 15,2 տոկոսը, 8,8 տոկոսը նշել է «Բարգավաճ Հայաստան» կուսակցություն, «Միասնության թևեր» կուսակցություն նշել է 6,2%: Ըստ Նավասարդյանի՝ սրանք այն կուսակցություններն են, որոնք ըստ արձանագրած ցուցանիշների, անցնելու են խորհրդարան:
«ԴՕԿ» կուսակցությանը 3,2 տոկոսն է քվեարկել, «Լուսավոր Հայաստան»-ին՝ 3,1 տոկոս, Նավասարդյանի խոսքով՝ նրանք ևս ունեն պոտենցիալ անցնելու խորհդարան:
«Նոր ուժ» կուսակցություն նշել է 2,1 տոկոսը, «Բոլորին դեմ եմ» նշել են 2 տոկոսը, «Հանրապետություն»՝ 1,5 տոկոս, «Հայ ազգային կոնգրես»՝ 0,3 տոկոս: Մնացած ուժերը հավաքել են 0,1-0,3 տոկոս:
Հրաժարվել են պատասխանել հարցվողների 4,2 տոկոսը, դժվարանում եմ պատասխանել՝ 2,1 տոկոսը:
Նշենք, որ անցկացվել են հեռախոսային հարցումներ, հարցումների քանակը՝ 1104, հետազության ընտրանքային սխալը՝ 3%, հետազության իրականացման ժամանակահատվածը՝ հունիսի 2-3, հետազոտության վայրը՝ ՀՀ:
