Վերականգնելու եմ հարգանքը Հայաստանի նկատմամբ, բացառելու ենք Ալիևի հետ տերն ու ծառայի հարաբերությունները: Այս մասին քարոզարշավի ժամանակ ասել է «Հայաստան» դաշինքի վարչապետի թեկնածու Ռոբերտ Քոչարյանը:
«Մենք բացառելու ենք այն կարգավիճակը, որը՝ ցավոք, այսօր Հայաստանը ստացել է, սա նվաստացնող նիկոլական մոդել է: Հարևանների հետ հարաբերություններում սա տեր ու ծառա հարաբերությունների մոդել է, որտեղ տերը Ալիևն է, ծառան՝ Նիկոլը, մենք այս մոդելը բացառում ենք և մերժում ենք:
Մեր ժողովուրդը չի ուզում, որ իրեն Ալիևի ծառան կառավարի: Այն մարդը, ով բերել է արցախյան պատերազմ և կորուստ՝ սարսափելի հետևանքներով, իրավունք չունի նույնիսկ խաղաղություն բառը օգտագործել, ինքը չպետք է կեղտոտի այդ բառը»,- նշել է Քոչարյանը:
Քոչարյանը շեշտեց՝ Նիկոլ Փաշինյանի ձեռքից նույնիսկ աղավնին չթռավ՝ հասկանալով, որ դա ֆեյքային իշխանություն ու խաղաղություն է:
