Կենտրոնական ընտրական հանձնաժողովը Երևանի ավագանու թափուր չորս մանդատները տրամադրել է «Մայր Հայաստան» կուսակցությունների դաշինքի և «Քաղաքացիական պայմանագիր» կուսակցության ընտրական ցուցակների հերթական հաջորդ թեկնածուներին։ Համապատասխան որոշումն ընդունվել է ԿԸՀ-ի՝ 2026 թվականի հուլիսի 27-ին կայացած նիստում։
Հանձնաժողովը հիմք է ընդունել Երևանի քաղաքապետի արձանագրությունները՝ ավագանու անդամներ Մեսրոպ Մանուկյանի, Լևոն Լևոնյանի, Միքայել Խաչատրյանի և Նատալյա Սինորյանի լիազորությունները վաղաժամկետ դադարեցնելու վերաբերյալ։
«Մայր Հայաստան» կուսակցությունների դաշինքի ընտրական ցուցակից մանդատը տրվել է Կարապետ Վարդանյանին։
«Քաղաքացիական պայմանագիր» կուսակցության ընտրական ցուցակից ավագանու անդամի մանդատներ են ստացել Գոհար Սաֆարյանը, Սերգեյ Ապրեսյանը և Արթուր Մայիլյանը։
