Հայաստանում «Թրամփի երթուղի» նախագծի իրականացումը թույլ կտա ԱՄՆ ռազմական ենթակառուցվածք տեղակայել անմիջապես Իրանի սահմանի մոտ, հայտարարել է ՌԴ Անվտանգության խորհրդի քարտուղարի տեղակալ Ալեքսեյ Շևցովը, հաղորդում է ՌԻԱ Նովոստի-ն։
«Այսպես կոչված «Թրամփի երթուղին» Հայաստանի տարածքով ամերիկացիներին թույլ է տալիս տեղակայել իրենց զորքերը կամ մասնավոր ռազմական ընկերությունները, հետախուզական ենթակառուցվածքը անմիջապես Հայաստանի տարածքում և Իրանի սահմանի անմիջական հարևանությամբ», — ասել է Շևցովը:
Հիշեցնենք, որ 2025 թվականի օգոստոսի 8-ին Նիկոլ Փաշինյանի և Իլհամ Ալիևի՝ Դոնալդ Թրամփի հետ հանդիպման արդյունքներով հայկական կողմը համաձայնել է համագործակցել Վաշինգտոնի և երրորդ կողմերի հետ «Թրամփի երթուղու» (TRIPP) ստեղծման համար: Այս երթուղին ենթադրում է տրանսպորտային հաղորդակցության ապաշրջափակում Ադրբեջանի հիմնական տարածքի և նրա էքսկլավային Նախիջևանի միջև՝ Հայաստանի տարածքով:
