Չես կարող ճնշումներին դիմագրավել, գնա, ուրիշ բան աշխատիր:
Հայտարարեց իրավապաշտպան Ռուբեն Մելիքյանը՝ պատասխանելով լրագրողներին հարցին, թե արդյոք Գայանե Հակոբյանի որոշումը կայացրած դատավոր Ժորա Չիչոյանի նկատմամբ ճնշում գործադրվե՞լ է․
«Ինչքան էլ ուզում է ճնշում գործադրված լինի, թուղթը ստորագրողը մեկ մարդ է, մեկ ձեռք է, և թող որևէ մեկը չմտածի, որ երբևէ որևէ ճնշմամբ ինքը որևէ արդարացում է ունենալու։ Երբևէ։
Թուղթը ստորագրողը ո՛չ դատախազն է, ո՛չ քննիչն է։ Թուղթը ստորագրողը մեկ մարդ է․ եթե չես կարող դատավոր աշխատել, գնա, ուրիշ բան աշխատիր։ Եթե չես կարող ճնշումներին դիմագրավել, գնա, ուրիշ բան աշխատիր»,- նշեց Մելիքյանը։
