Շիրակի թեմի առաջնորդ Տեր Միքայել Արքեպիսկոպոս Աջապահյանի գլխավորությամբ ի աջակցություն «Տավուշը հանուն հայրենիքի» շարժման և Բագրատ Սրբազանի երթ է մեկնարկել Գյումրիից դեպի Երևան։
Լրագրողների այն հարցին, թե իշխանությունները նշում են, որ այս շարժումը ուղղորդված է՝ Սրբազանը համաձայնեց․ «Այո՛, ուղղորդված է, ուղղորդված է Աստծով»։
Ըստ Սրբազանի՝ իրենք չեն էլ ձեռնարկել, ուղղակի ժողովրդի պահանջին դեմ հանդիման են գնացել և այդ պատասխանատվությունը իրենց վրա են վերցրել։
Հարցին, թե համաձա՞յն է այն տեսակետին, որ եկեղեցին քաղաքականությամբ չպետք է զբաղվի՝ նա նշեց՝ իհարկե, ոչ․
Սրբազանը հավելեց, որ ինքը երբեք էլ այդ տեսակետը չի կիսել և ակտիվ քաղաքական կարծիք հնչեցրել է բոլոր իշխանությունների ժամանակ։ Քաղաքական կյանքով չզբաղվելը վերաբերում է նրան, որ եկեղեցին ձգտում չունի լինել պետական կառավարման ղեկին։
Նման ձգտում և ամբիցիա չունեն, իրենց ծառայությունը բավարարում է, բայց անտարբերությունը մահացու մեղք է, և իրենք չեն կարող լինել անտարբեր այն ամենին, ինչը վտանգում են մեր պետականությունը և մեր ժողովրդի անվտանգությունը։
«Հետո մեզ պետք է չէ՞ մեղադրեն»,- ասաց նա։
