Վարչապետ Նիկոլ Փաշինյանի գլխավորությամբ առավոտյան անցկացվել է Լոռու և Տավուշի մարզերում արտակարգ իրավիճակի կառավարման օպերատիվ շտաբի հեռավար նիստ:
Տարածքային կառավարման և ենթակառուցվածքների նախարար Գնել Սանոսյանը խնդրել է դիտարկել՝ արտակարգ դրություն պե՞տք է հայտարարել, թե՞ ոչ:
Նա ասել է՝ արտակարգ դրության ռեժիմում որոշակի կարգավորումներ կան։
Փաշինյանն էլ նշել է, որ Արդարադատության նախարարությունն ու վարչապետի աշխատակազմն այդ հարցով եզրակացություն կտան:
«Եթե դա մեր գործերի ընթացքին կնպաստի, կարծում եմ, որ մեծ խնդիր չէ նման որոշում կայացնելը, բայց՝ համապատասխան հիմնավորումներով»,- հավելել է Նիկոլ Փաշինյանը:
