Այսօր՝ սեպտեմբերի 7-ին, խոշոր ու ողբերգական ավտովթար է տեղի ունեցել Վայոց ձորի մարզում։ Ժամը 12:20-ի սահմաններում Հերհեր բնակավայրի վարչական տարածքում՝ ջրամբարի հարևանությամբ, բախվել է «ՎԱԶ 2107» մակնիշի երկու ավտոմեքենա։
Ինչպես հայտնում է shamshyan.com-ը, վթարի հետևանքով մեկ մարդ տեղում մահացել է, ևս մեկը՝ ծայրահեղ ծանր վիճակում տեղափոխվել «Վայոց ձոր» բժշկական կենտրոն։
Աղբյուրի տեղեկություններով՝ մահացածն ու վիրավորը վարորդներն են։ Վթարի փաստով նախաձեռնվել է քրեական վարույթ։
