Երևանի քաղաքապետարանն առաջարկում է Ամիրյան փողոցն անվանափոխել։ Այս մասին նախագիծը ներառված է Երևանի ավագանու 6-րդ նստաշրջանի 3-րդ նիստում։
Նախագծով առաջարկվում է Երևանի Կենտրոն վարչական շրջանի Արսեն Ամիրյան փողոցը՝ (սկսվում է Հանրապետության հրապարակից, հասնում՝ Սարյան փողոց) անվանափոխել Պապ թագավորի անվամբ՝ «Պապ թագավորի փողոց»:
Փողոցը կրում է Արսեն Մինասի Ամիրյանի անունը։ Նա հայ բոլշևիկ հեղափոխական էր, լրագրող, հրապարակախոս, Բաքվի 26 կոմիսարներից։
