Գերմանիայի կառավարությունը կաջակցի Ուկրաինային սեփական հեռահար զենքի մշակման և արտադրության հարցում։ Այդ մասին Բեռլինում Ուկրաինայի նախագահ Վլադիմիր Զելենսկու հետ բանակցություններից հետո կայացած մամուլի ասուլիսում հայտարարել է Գերմանիայի կանցլեր Ֆրիդրիխ Մերցը։
«Մենք կշարունակենք և ընդլայնելու ենք մեր ռազմական աջակցությունը»,- ասել է նա՝ հավելելով, որ Գերմանիան դա կանի «այնքան ժամանակ, որքան անհրաժեշտ կլինի»։
«Մեր պաշտպանության նախարարներն այսօր մտադրությունների հուշագիր կստորագրեն ուկրաինական արտադրության հեռահար մարտական համակարգերի մատակարարման մասին»,- ասել է նա։
Կանցլերը հավելել է, որ «դա կլինի արդյունաբերական մակարդակով համագործակցություն, որը կարող է տեղի ունենալ ինչպես Ուկրաինայում, այնպես էլ այստեղ՝ Գերմանիայում»:
