Կասկադի «Բաստարդ» և «Լիմոնե Կասկադ» սրճարանների մոտ հայ երիտասարդի 7 հոգով դաժան ծեծի են ենթարկել, ծեծի ենթարկողներից 5-ը օտարերկրացի են եղել։ Այս մասին NewDay.am-ին ահազանգել է այդ պահին տարածքում գտնվող քաղաքացիներից մեկը։
«Դեպքը եղել է այսօր՝ 17։30-18։00 ընկած ժամանակահատվածում։ Սկզբից բոլորով նստած էին «Բաստարդ» -ում, հետո սրճարանից գետին տապալելով դուրս են բերել երիտասարդին ու դաժան ծեծել, բժշակական օգնություն այդ տղային չեն ցուցաբերել, ծանր վնասվածքներ էր ստացել, բայց մենք տարածքում ոստիկաններ չտեսանք։ 5 օտարերկրացիները կարծես մուսուլմաններ լինեին։ «Լիմոնե Կասկադ»-ի մենեջերը ասաց, որ ինքը ոստիկաններին դեպքի մասին տեղյակ է պահել»,-նշեց քաղաքացին։
Նա վստահեցրեց, որ երկու սրճարանների տեսախցիկներն էլ դեպքը արձանագրել են, եթե ոստիկանությունը ցանկանա կարող է ծեծողներին հայտնաբերել։
