Ադրբեջանցի պատգամավոր Հասանգուլիևը հայտարարել է, որ «Մե՛նք ենք մեր սարերը» (Տատիկ-պապիկ) հուշարձանը, ինչպես նաև 1988 թվականից ի վեր Արցախում կառուցած ցանկացած հուշարձան պետք է ապամոնտաժվի։
«Խանքենդիում (օկուպացված Ստեփանակերտ) 1967 թվականին կառուցված և «հայ ազգայնականների և հայկական անջատողականության խորհրդանիշ» (չակերտները՝ Tert.am) դարձած «Մենք և մեր սարերը» կոչվող հուշարձանը պետք է ապամոնտաժվի, և դրա տեղում պետք է կանգնեցվի ադրբեջանցի զինվորի պատվին շքեղ հուշարձան»։
Ընդհանուր առմամբ, 1988 թվականից ի վեր «հայ անջատողականների» (չակերտները՝ Tert.am) կողմից կառուցված ցանկացած հուշարձան պետք է ապամոնտաժվի։ Որովհետև նման հուշարձանները իրականում վերստին արյունահոսում են տարիների ընթացքում անջատողականության պատճառած վերքերը և հիշեցնում մեզ պատերազմի ցավի մասին։
Խանքենդին (օկուպացված Ստեփանակերտ) պետք է հայտարարվի առնվազն երկրի երկրորդ մայրաքաղաք, այնտեղ պետք է կառուցվի Ադրբեջանի Հանրապետության նախագահի ժամանակակից գրասենյակ, իսկ պետության ղեկավարը պետք է ամառային ամիսներին այնտեղ ընդունի իր հյուրերին։ Կառավարությունը պետք է մտածի այս մասին»,- հայտարարել է «Արդարություն, Իրավունք, Ժողովրդավարություն» կուսակցության նախագահ, պատգամավոր Հասանգուլիևը։
