Երևան քաղաքի երթևեկությունը գտնվում է կաթվածահար վիճակում։ Այս մասին գրել է Երևանի քաղաքապետարանի «Մայր Հայաստան» խմբակցության ավագանու անդամ Գևորգ Ստեփանյանը:
«Քաղաքը օրվա ցանկացած ժամին ու հանգստյան այս ժամանակահատվածում խցանված է։
Քաղաքային «իշխանություն» ինքնահռչակվածները՝ ստելով քաղաքացիներին, որ կարմիր գծերի վճարը թանկացնելով 13 անգամ ամբողջությամբ կբեռնաթափեն քաղաքը։
Ստեցին ու քաղաքացիներից «քերեցին» 2 մլրդ 100 մլն դրամ, իսկ քաղաքը էլ ավելի խրվեց խցանումների մեջ։
Սեպտեմբերի 1-ից ականատեսը կլինենք քաղաքում տոտալ երթևեկության կոլապսային վիճակի։
Պոզով-պոչով կոռուպցիոն կենդանին ապրում է իր ծաղկուն դարաշրջանը»,- գրել է նա:
