Հայաստանը և Ադրբեջանը չեն բանակցել և բանակցում ՀՀ-ի Սահմանադրության փոփոխությանը վերաբերելի որևէ հարց, ԱԺ-ում արտաքին հարաբերությունների հանձնաժողովի նիստում ասաց ՀՀ ԱԳ նախարար Արարատ Միրզոյանը։
«Դա Հայաստանի և Ադրբեջանի բանակցությունների առարկա և թեմա չէ։ ՀՀ-ում նոր Սահմանադրություն ընդունելու կամ սահմանադրական փոփոխություններ անելու անհրաժեշտության մասին խոսել ենք 2018 թվականի հեղափոխությունից գրեթե անմիջապես հետո։ Դա մեր օրակարգն է»,-ասաց Միրզոյանը։

















































