Երբ մենք ասում ենք Հայաստանում արդյունաբերականացում, գործարանների վերադարձ, մարդիկ կան՝ կասկածանքով են նայում: Ձեզ մեկ օրինակ բերեմ, որ դուք հասկանաք, թե ինչ է լինելու 47 օր հետո, Սամվել Կարապետյանի առաջնորդությունը ստանձնելուց հետո: Այս մասին Չարենցավանում, քաղաքացիների հետ հանդիպմանն ասել է «Ուժեղ Հայաստան» կուսակցության խորհրդի անդամ Նարեկ Կարապետյանը:
Նա նշել է, որ ՀՀ-ն մեկ տարվա ընթացքում ներմուծում, օտար երկրներ է ուղարկում 60 մլն դոլար՝ 15,000 տոննա ցինկապատ մետաղի համար, երբ միևնույն ժամանակ երկիրն արտահանում է 20 մլն-ի հում ցինկ:
«Ցինկն արտահանում ենք, վերամշակում են, հետ են բերում, 2-3 անգամ թանկ մեզ են վաճառում։ Ի՞նչն է խնդիրը, որ դա մեր երկրում չենք անում, ի՞նչն է խնդիրը, որ այստեղ չենք անում, այս քաղաքում։ Մեկ բան՝ առաջնորդը»,-նշել է նա:
