Brent տեսակի նավթի գինը բարձրացել է մինչև 107,4 դոլար՝ մեկ բարելի դիմաց: Այս մասին հայտնում է Ինթերֆաքսը:
Լոնդոնի ICE Futures բորսայում Brent տեսակի նավթի հունիսյան ֆյուչերսները թանկացել են 2,07 դոլարով (1,97%)՝ հասնելով բարելի դիմաց 107,4 դոլարի: Ուրբաթ օրը Brent-ը թանկացել էր 0,26 դոլարով (0,25%)՝ հասնելով բարելի դիմաց 105,33 դոլարի:
WTI տեսակի նավթի հունիսյան ֆյուչերսներն այդ ժամանակահատվածում Նյու Յորքի ապրանքային բորսայի (NYMEX) էլեկտրոնային սակարկություններում թանկացել են 1,6 դոլարով (1,69%)՝ հասնելով բարելի դիմաց 96 դոլարի: Նախորդ նստաշրջանի ընթացքում պայմանագրի գինը նվազել էր 1,45 դոլարով (1,5%)՝ հասնելով բարելի դիմաց 94,4 դոլարի:
Անցյալ շաբաթ Brent-ը թանկացել էր 17%-ով, իսկ WTI-ը՝ 14%-ով:
Goldman Sachs-ի վերլուծաբանները բարձրացրել են ընթացիկ տարվա չորրորդ եռամսյակի համար Brent-ի գնի կանխատեսումը՝ 80 դոլարից հասցնելով 90 դոլարի՝ նշելով հակամարտության պատճառով Պարսից ծոցում նավթի արդյունահանման կրճատման մասին:
