Վահագն Հովակիմյանը որպես Կենտրոնական ընտրական հանձնաժողովի նախագահ, չի կարող լինել անկախ և անաչառ։ Օբյեկտիվորեն չի կարող՝ ելնելով նրանից, որ ոչ թե մի կուսակցության անդամ է եղել նախկինում, այլ հիմնադիր անդամ է եղել։ Այս մասին լրագրողների հետ զրույցում ասաց Ուժեղ Հայաստան կուսակցության ներկայացուցիչ Արամ Վարդևանյանը։
Նրա խոսքով՝ այն, ինչ կատարել է ԿԸՀ-ն՝ պատշաճ վերահսկողություն չիրականացնելով ընտրությունների ընդհանուր գործընթացի նկատմամբ, այն, ինչ կատարվեց վարչական դատարանի վճիռը չկատարելու միջոցով վերաքվեարկության հետ կապված, որտեղ բառացիրորեն գրված էր, որ ԿԸՀ-ն ստիպված է լինելու իրականացնել վերաքվեարկություն, այդ ամենը ընտրակեղծարարության հետ կապ ունի՞, թե՞ ոչ։ Վարդևանյանը ՍԴ լեգիտիմության տեսանկյունից խնդիր է տեսնում՝ Սեդա Սաֆարյանի մասնակցությամբ գործի քննության առնչությամբ։
«Սահմանադրականի դատարանը միակ մարմինն է, որը վերիշխանական է, կարող է վեր լինել բոլոր ճնշումներից, ցանկացած միջամտությունից, իսկապես վերիշխանական դիրքից լուծել Հայաստանում տեղի ունեցած ընտրությունների վերաբերյալ վեճը։ Իսկ այն, որ ընտրությունները եղել են ատելության խոսքի, վարչական ռեսուրսի չարաշահման, մի շարք այլ ընտրախախատումների դեպքերով, որոնք հավասարությունն ու ազատությունը խաթարել են, դա փաստ է»,- ասաց նա։
