Փաստաբան Աննա Ծառուկյանը ֆեյսբուքյան իր էջում գրում է․
Հրաշքներ հրաշքներ….
Վահագն Աբգարյանի գործով ռեպրեսիվ վարույթով ձեռք բերված, այսպես կոչված, «ՕՀՄ ապացույցում» ԱԱԾ-ի գերպրոֆեսիոնալ սուբյեկտը միայն ականջով «տեսել» է, թե ինչ է կատարվում։ Լսելով նկարագրել է գործողություններ, որոնք հնարավոր է արձանագրել միայն տեսնելով։
Գոնե մեկ անգամ բացատրեք՝ սա ո՞ր գիտությանն է համապատասխանում, ո՞ր մեթոդաբանությամբ է մարդը միայն ձայնով տեսողական գործողություններ նկարագրում։ Թե՞ ձեր համար ֆիզիկայի ու տրամաբանության օրենքները չեն գործում։
Ես չեմ հասկանում, դուք եք հասկանում։ Ուրեմն բացատրեք այդ «հրաշք» մեթոդը։
Թե չէ փաստաբանի մեքենայի մեջ թմրանյութ «գցելու» հարցում այնքան «գաղտնի» ու «պրոֆեսիոնալ» եք, որ այդ նույն պրոֆեսիոնալիզմը գոնե մեկ անգամ ցույց տվեք նաև դատարանում՝ ապացույցների օրինականությունն ու գիտական հիմնավորվածությունը ներկայացնելով։
