Բելառուսը ԵԱՀԿ անդամ երկրներին կոչ է արել վերադառնալ եվրասիական անվտանգության ապագայի շուրջ լուրջ երկխոսությանը։ Այս մասին հայտարարել է Բելառուսի Ազգային ժողովի Ներկայացուցիչների պալատի միջազգային գործերի մշտական հանձնաժողովի նախագահ Սերգեյ Ռաչկովը՝ Հաագայում անցկացվող ԵԱՀԿ Խորհրդարանական վեհաժողովի մշտական հանձնաժողովի նիստում։
Նրա խոսքով՝ ոչ պատժամիջոցների քաղաքականությունը, ոչ ռազմական ենթակառուցվածքների ընդլայնումը և ոչ էլ մեկուսացման քաղաքականությունը չեն կարող ապահովել տևական խաղաղություն և կայունություն։
«Ընդհակառակը, նման մոտեցումները միայն խորացնում են առճակատումը և նվազեցնում ճգնաժամային իրավիճակների դիվանագիտական կարգավորման հնարավորությունները։ Մենք համոզված ենք, որ ժամանակն է, այդ թվում՝ ԵԱՀԿ Խորհրդարանական վեհաժողովի շրջանակում, վերադառնալ համաեվրոպական և եվրասիական անվտանգության ապագայի շուրջ լուրջ քննարկմանը։ Այդ երկխոսությունը պետք է հիմնված լինի պետությունների հավասարության, ինքնիշխանության նկատմամբ հարգանքի, բացառման քաղաքականությունից հրաժարվելու և բոլոր մասնակիցների օրինական շահերը հաշվի առնելու պատրաստակամության վրա», — ասել է Ռաչկովը։
