2022թ․ հունվար-սեպտեմբեր ամիսների տվյալներով՝ 1000 խոշոր հարկատուների ցանկում ներառվել է ՏՏ ոլորտի 67 ընկերություն: Համեմատության համար նշենք, որ այս տարվա առաջին կիսամյակում խոշոր հարկատուների ցանկում ընդգրկված էր ՏՏ ոլորտի ընդամենը 39 ընկերություն:
Հազար խոշոր հարկատուների ցանկում ընդգրկված 67 ՏՏ ընկերությունները 2022թ․ հունվար-սեպտեմբեր ամիսներին պետբյուջեի համար ապահովել են շուրջ 36.3 մլրդ դրամի եկամուտ (ավելի քան 90 մլն դոլար) կամ ՊԵԿ-ի կողմից վերահսկվող եկամուտների 2.6%-ը։ Առաջին կիսամյակում ՏՏ ընկերությունները վճարել են 25.2 մլրդ դրամի հարկեր, իսկ ահա 2021-ի ողջ տարվա համար 1000 խոշոր հարկատուների ցանկում ընդգրկված ՏՏ ընկերությունները վճարել են ընդամենը 38.7 մլրդ դրամի հարկեր:
Այս տարվա ինը ամիսների տվյալներով՝ խոշոր հարկատուների ցանկում ՏՏ ոլորտի ընկերություններից առաջին տեղում է «Սինոփսիս Արմենիան», որը վճարել է 3,3 մլրդ դրամի հարկ (խոշոր հարկատուների ցանկում 55-րդ հորիզոնականում է): Նշենք, որ կիսամյակի տվյալներով առաջատարը «Սոֆթ Կոնստրակտն» էր:
Ստորեւ ներկայացնում ենք 1000 խոշոր հարկատուների ցանկում ՏՏ ոլորտի առաջին 20 ընկերությունների զբաղեցրած դիրքը և դրանց վճարած հարկերը՝ ՀՀ դրամով:
55-րդ հորիզոնական՝ «Սինոփսիս Արմենիա» (Synopsys Armenia) – 3,348 մլրդ դրամ,
63-րդ հորիզոնական՝ «Պիկսարտ» (PicsArt) – 3,11 մլրդ դրամ,
82-րդ հորիզոնական՝ «Էպամ», – 2,483 մլրդ դրամ,
101-րդ հորիզոնական՝ «ԴատաԱրտ» (DataArt) – 1,947 մլրդ դրամ,
126-րդ հորիզոնական՝ «Սերվիս Թայթան Արեւելք» (ServiceTitan) – 1,499 մլրդ դրամ,
128-րդ հորիզոնական՝ «Էներջայզ Գլոբալ Սերվիսիզ» (EGS) – 1,454 մլրդ դրամ,
146-րդ հորիզոնական՝ «ՎիԷմՈւեր Իսթերն Յուրոփ» (VMWere) – 1,238 մլրդ դրամ,
162-րդ հորիզոնական՝ «Քվանտորի ամ» (Quantori) – 1,119 մլրդ դրամ,
178-րդ հորիզոնական՝ «Թիմ Վորք» (Team Work) – 1,119 մլրդ դրամ,
182-րդ հորիզոնական՝ «ՎիԷմ Արմենիա» (Veeam Softwere) – 1,119 մլրդ դրամ,
194-րդ հորիզոնական՝ «Հայկական ծրագրեր» (ArmSoft) – 976,6 մլն դրամ,
199-րդ հորիզոնական՝ «Դեվսոֆթ Էյեմ» (DevSoft) – 961,48 մլն դրամ,
250-րդ հորիզոնական՝ «Վեբբ Ֆոնտեն Հոլդինգ» (Webb Fontaine) – 746,1 մլն դրամ,
252-րդ հորիզոնական՝ «Կրիսպ» (Krisp) – 734,3 մլն դրամ,
263-րդ հորիզոնական՝ «Ադոբ Դիվելոփմենթ Արմ» (Adobe) – 710,22 մլն դրամ,
279-րդ հորիզոնական՝ «Սիմենս Ինդասթրի սոֆթվեր» (Siemens) – 645,46 մլն դրամ,
298-րդ հորիզոնական՝ «Ռենդերֆորեսթ» (Renderforest) – 616 մլն դրամ,
309-րդ հորիզոնական՝ «Սիներջի ինթերնեշնլ Սիսեմզ»-ի մասնաճյուղ (Synergy) – 594 մլն դրամ,
338-րդ հորիզոնական՝ «Ինսթիգեյթ Մոբայլ» (Instigate Mobile) – 553,86 դրամ,
340-րդ հորիզոնականում՝ «Քլինչոյս» (Clean Choice) – 550 մլն դրամ:
