Գեղարքունիքի մարզի Ազատ գյուղում տեղակայված՝ N զորամասի ինժեներասակրավորային վաշտի կացարանում բռնկված հրդեհի հետեւանքով զոհվել է 19-ամյա զինծառայող Ռոստոմ Ասրյանը, ով Լոռու մարզի Հոբարձ բնակավայրից էր։ NewDay.am-ը զուցել է Հոբարձի վարչական ղեկավար Կարեն Լալազարյանի հետ։
«Գյուղում ուշքի չենք գալի, համեստ, աշծատասեր ընտանիքի խելոք տղա էր։ Ռոստոմն մեծն է, ունի փոքր քույրեր եւ եղբայր: Մետ մեկ տարի է ինչ բանակում էր : Յուրահատուկ տղա էր։ Այս ինչ ողբերգություն է »,-ասաց Կարեն Լազարյանը։
Նա պատմեց, որ Ռոստոմ Ասրյանը սովորում էր Ստեփանավանի պետական գյուղատնտեսական քոլեջում։
Հիշեցնենք, որ հունվարի 19-ին՝ ժամը 01:30-ի սահմաններում, հրդեհ է բռնկվել Գեղարքունիքի մարզի Ազատ գյուղի տարածքում տեղակայված ՀՀ ՊՆ N զորամասի ինժեներասակրավորային վաշտի կացարանում: Հրդեհի հետեւանքով զոհվել է 15 զինծառայող, վիրավորում է ստացել 7 զինծառայող, նրանցից չորսը բուժօգնություն ստանալուց հետո դուրս է գրվել, 3–ը տեղափոխվել են Երեւան՝ Այրվածքաբանության ազգային կենտրոն։ Նրանցից երկուսի վիճակը գնահատվում է ծանր։
