Թուրքիայում 11 մարդ մահացել է, ևս 95-ը՝ վիրավորվել, երկու ճանապարհատրանսպորտային պատահարների հետևանքով, որոնք ժամերի տարբերությամբ տեղի են ունեցել երկրի հարավ-արևմուտքում գտնվող Դենիզլի քաղաքում:
Այս մասին տեղեկությունը հայտնում է Hürriyet–ը։
«Դենիզլի քաղաքում տեղի ունեցած վթարից 16 ժամ անց, որի հետևանքով զոհվել է 7 մարդ, 42-ը վիրավորվել են, ևս մեկ վթար է տեղի ունեցել։ Մարդատար ավտոմեքենան նախ բախվել է ավտոբուսին, ապա դուրս եկել հանդիպակաց գոտի և բախվել միկրոավտոբուսին», — գրում է թերթը։
Նշվում է, որ 2–րդ վթարի հետևանքով զոհվել է մեկ ընտանիքից չորս մարդ, 53 մարդ վիրավորվել է:
