Կառավարության այսօրվա նիստում որոշում ընդունվեց, ըստ որի՝ Հայաստանում 2024 թվականին խմելու ջրի սակագինը չի բարձրանա։
ՀՀ կառավարությունը 1,1 միլիարդ դրամ սուբսիդիա կտրամադրի «Վեոլիա Ջուր» ՓԲԸ–ին, որպեսզի սպառողների համար 2024 թ. խմելու ջրի և կեղտաջրերի մաքրման ծառայությունների սակագները մնան անփոփոխ։ 2024-ի սակագների համաձայն` սոցիալապես անապահով բաժանորդների համար սակագինը կմնա անփոփոխ՝ 180 դրամ, իսկ մյուս բաժանորդների համար՝ 205.992 դրամ:
ՀՀ կառավարությունը համարժեք սուբսիդավորմամբ կչեզոքացնի սակագնի ավելացումը բաժանորդների համար։ Արդյունքում, 2024 թվականին խմելու ջրի սակագինը սպառողների համար չի թանկանա:
Ըստ այդմ, 2024-ի պետական բյուջեի միջոցներից ընկերությանը կտրամադրվի սուբսիդիա՝ 2024 թվականի համար յուրաքանչյուր խմ-ի դիմաց՝ գումարային 205.992 դրամ սակագնից՝ 5.522 դրամի չափով: Ընդ որում՝ ջրամատակարարման ծառայության համար 175.093 դրամ սակագնից՝ 4.693 դրամի չափով և ջրահեռացման ծառայության համար՝ 30.899 դրամ (ԱԱՀ-ով) սակագնից՝0.829 դրամի (ԱԱՀ-ով) չափով:
