Երևանի քաղաքապետ Տիգրան Ավինյանը, Երևանի քաղաքապետարանի գործակարգավարական նիստի ժամանակ, դիմելով Հասարակական կարգի պահպանության ծառայության պետ Արամ Գյուլզադյանին, ասաց, որ այս սեզոնին ակտիվացել է տարատեսակ վայրերում փողոցային առևտուրը, պետք է խնդրի Կենտրոն վարչական շրջանի հետ համատեղ համապատասխան գործողություններ իրականացնել։
Նա խնդրելց՝ որոշակի ժամանակահատված հավելյալ ակտիվությամբ գործողություններ իրականացնել և կենտրոնանալ այս խնդրի վրա։
Անդրադառնալով մայրաքաղաքում գովազդային պաստառներով տուրիստական միկրոավտոբուսների առկայությանը՝ Ավինյանը նշեց, որ այս ուղղությամբ ևս պետք է որոշակի գործողություններ ձեռնարկել։
Ինքը պարբերաբար տեսնում է, որ տարբեր տեղերում հայտնվում են տարօրինակ գովազդային պաստառներով տուրիստական միկրոավտոբուսներ, դրանց քանակը գնալով ավելանում է, ուստի այդտեղ էլ պետք է խնդրի, որ որոշակի գործողություններ լինեն։ Քանի որ իրենց՝ դրան հրապարակայնորեն չանդրադառնալը բերում է «մետաստազների», և դրանք, մասնավորապես, սկսում են տարածվել, իրենք կքննարկեն և հարցի վերջնական կարգավորման համապատասխան միջոցներ կձեռնարկեն։
