Հայտնի ֆուտբոլիստ, Հայաստանի ազգային հավաքականի նախկին ավագ Հենրիխ Մխիթարյանն Արտակ Ալեքսանյանի հետ հարցազրույցի ժամանակ հայտարարեց, որ 5 լեզվի գերազանց տիրապետում է։
Նա նշել է, որ պորտուգալերեն սովորել է, երբ 13 տարեկան էր, և Ռուբեն Հայրապետյանն իրեն և մյուս ընկերոջը ուղարկեց Բրազիլիա՝ կատարելագործվելու։ Ցավոք, հետ վերադառնալով, մոռացել է պորտուգալերենը, բայց հույս ունի, որ ֆուտբոլային կարիերայից հետո ժամանակ կունենա նորից վերհիշելու այդ լեզուն։
Մխիթարյանը հավելեց, որ շատ է սիրում կարդալ. «Տարբեր տարիքում նույն գիրքը կարդալով՝ տարբեր կերպ ես այն ընկալում։ Եվ դա հաճելի է, քանի որ հասկանում ես, որ արդեն նույն մարդը չես, զարգացել ես։ Սիրում եմ տարբեր ժանրերի գրքեր։ Շատ նվերներ եմ ստանում՝ գրքի տեսքով»։
