Ադրբեջանի սահմանադրությունը տարածքային պահանջներ է պարունակում ՀՀ տարածքների նկատմամբ: Նիկոլ Փաշինյանը վերջապես արթնացել է քնից։ Նրան պահանջվեց մի քանի տարի հասկանալու համար, որ Ադրբեջանը չի ցանկանում խաղաղություն Հայաստանի հետ՝ Բաքվին անհրաժեշտ է Հայաստան՝ առանց հայերի։ Այդ ծրագիրը Ալիևի համար իրենց քայլերով կյանքի են կոչում ՔՊ-ականները՝ Արցախը հանձնված է, Սյունիքին սպասում է նույն ճակատագիրը, Եռաբլուրի տարածքն եռապատկված է, ՀՀ-ից արտագաղթը ռեկորդներ է սահմանում, իսկ ՔՊ-ականները վերածվել են նոր օլիգարխների։ ՀՀ քաղաքացիների մասայական աղքատացման ու արտագաղթի ֆոնին ոչ մի ՔՊ-ական իր ընտանիքով չի արտագաղթել նիկոլական Հայաստանից։ Ադրբեջանն ունի հավակնություններ ողջ ՀՀ տարածքի նկատմամբ։ 1919 թ.-ի նոյեմբերին Ադրբեջանի Հանրապետությունը Անտանտին է ներկայացրել իր վարչատարածքային քարտեզը, համաձայն որի, Ադրբեջանի կազմում ընդգրկված են ՀՀ Սյունիքի, Վայոց ձորի մարզերն ամբողջությամբ, ինչպես նաև Արարատի, Արմավիրի, Գեղարքունիքի, Տավուշի, Լոռու, Շիրակի մարզերի տարածքները` մասամբ: Եթե ընդհանուր առմամբ վերցնենք՝ Հայաստանի այսօրվա տարածքի շուրջ 60%-ը Եթե Բաքուն ցանկանար խաղաղություն ՀՀ-ի հետ, ապա այդ պայմանագիրը կարող էր ստորագրվել մեկ օրում։ Ալիևը ՀՀ սուվերեն տարածքներն անվանում է «Արևմտյան Ադրբեջան»՝Արևմուտքի լռության պայմաններում։ ՔՊ-ի սիրելի Արևմուտքն ոչինչ չարեց Արցախում հայերի ցեղասպանությունը կանխելու համար, ոչինչ չի անում գերիներին Բաքվից հետ վերադարձնելու համար և ոչինչ չի անելու Սյունիքը պաշտպանելու համար։ Փաշինյանն ու թիմը հույսը դրել են Արևմուտքի վրա, որը խորացնում է նավթագազային կապերն Ադրբեջանի հետ։ Դրա ֆոնին ՔՊ-ն ոչնչացնում է հայ-ռուսական ռազմա-քաղաքական կապերը, որոնք իրականում ՀՀ-ի անվտանգության հիմնական երաշխավորներն են։
Անդրանիկ Պետրոսյան
