«Պարկովշիկների» սև շուկա է ձևավորվել, ովքեր լուրջ միլիոնատեր տղերք են դարձել։ Այս մասին Երևանի ավագանու 2025թ-ի բյուջեի քննարկման ժամանակ, «կարմիր գծերի» թանկացումների շուրջ քննարկմանն ասաց ավագանու «Ազգային առաջընթաց» խմբակցության անդամ Արամ Թորոսյանը:
«Ես չգիտեմ` ուր են գնում այդ գումարները, բայց շատ լուրջ թվեր են: Եթե առաջ վարորդները 200 դրամ էին տալիս, հիմա 1,000 դրամով, որ պրծնում են, լավ է: Այդպես սև շուկա է ձևավորվել ու կրիմինալ վիճակ, եթե մեկն էլ բան է ասում, սկսվում է հարցերի պարզաբանում»,- ասաց Թորոսյանը:
