Կիևի մարզում ուղղաթիռի կործանման հետևանքով 16 մարդ է զոհվել։ Զոհերի թվում են երկրի ՆԳՆ ղեկավար Դենիս Մոնաստիրսկին և նրա առաջին տեղակալ Եվգենի Էնինը, հայտնել է Ուկրաինայի ազգային ոստիկանության ղեկավար Իգոր Կլիմենկոն։
Ուղղաթիռը կործանվել է մանկապարտեզի և բնակելի շենքի մոտ, գրում է kommersant.ru-ն:
«Ընդհանուր առմամբ, այս պահի դրությամբ հայտնի է 16 զոհի մասին, որից 2-ը երեխաներ են։ Զոհերից 9-ը եղել է ուղղաթիռում։ 22 տուժած գտնվում է հիվանդանոցում, նրանցից 10-ը երեխաներ են»,- գրել է Կլիմենկոն ֆեյսբուքյան իր էջում։
Թե ինչն է եղել վթարի պատճառը, դեռևս հայտնի չէ։
Դենիս Մոնաստիրսկին Ուկրաինայի ներքին գործերի նախարարության ղեկավարն էր 2021 թվականի հուլիսի կեսերից։ Նույն թվականի օգոստոսի վերջին նրա տեղակալ է նշանակվել Եվգենի Էնինը։
