Ամփոփվել է «Դարի նամակ» ստեղծագործական մրցույթի արդյունքները։ Այս մասին հայտնում են Երևանի թատրոնի և կինոյի պետական ինստիտուտի Ուսանողական գիտական, ստեղծագործական ընկերությունից։
Ինչպես տեղեկացանք` «Ակտուալ արվեստ» հրատարակչության և ՈՒԳՍԸ-ի համագործակցությամբ կյանքի կոչվեց «Դարի նամակ» մրցույթը, որը ուսանողների համար ներկայանալու ևս մեկ հարթակ և հնարավորություն է։
ՈՒԳՍԸ նախագահ Վովա Արզումանյանը մեզ հետ զրույցում նշեց, որ մրցույթին մասնակցել են ուսանողներ բուհի բոլոր երեք ֆակուլտետներից։ Իսկ «Ակտուալ արվեստ» հրատարակչությունն իր ինքնատիպ գրքերից նվիրել է բոլոր մրցանակակիրներին։ Իսկ մրցանակակիր ուսանողներն են` Արսեն Հովհաննիսյանը, Ռազ Հովհաննիսյանը, Արմինե Մելքոնյանը, Հասմիկ Ավետիսյանը, Մելինե Ապիկյանը, Մարինա Սոլոյանը, Վիգեն Պապոյանը, Պարարվեստի ռեժիսուրա ՄԿԾ-ով 1-ին կուրսը (հեռակա բաժին, ղեկավար` Արա Ասատուրյան), ինչպես նաև մասնակցության համար պարգևատրվեց Գյումրու մասնաճյուղի ուսանողուհի Կիմա Ունուսյանը։
ՈՒԳՍԸ-ի և բուհի գրադարանի համագործակցությամբ նախորդ տարվա ընթացքում ամենաակտիվ ընթերցողներ Ավագ Ասատրյանն ու Անի Օսիպյանն արժանացան «Ակտիվ ընթերցող» անվանակարգին և պարգևատրվեցին։
Մրցանակներն ուսանողներին հանձնեց ԵԹԿՊԻ-ի Ուսումնագիտական աշխատանքների գծով պրոռեկտոր, արվեստագիտության թեկնածու, պրոֆեսոր Նարինե Սարգսյանը։
