Չինաստանի հյուսիս-արևելքում գտնվող Հեյլունցզյան նահանգի Ցիցիհար քաղաքի միջնակարգ դպրոցի տարածքի մարզադահլիճում առաստաղը փլուզվել է։ Չինաստանի կենտրոնական հեռուստատեսության տվյալներով՝ դրա հետևանքով մահացել է 10 մարդ, գրում է kommersant.ru-ն։
Առնվազն ևս մեկ մարդ փլատակների տակ է, չորսը վիրավորվել են։ Որոնողափրկարարական աշխատանքները շարունակվում են։
Նախնական տվյալներով՝ առաստաղի փլուզման պատճառը վերանորոգման աշխատանքների կանոնակարգի խախտումն է։ Անձրևի ազդեցության տակ անորակ աշխատանքի հետևանքով տանիքը փլուզվել է. Ոստիկանությունը բերման է ենթարկել վերանորոգումն անողներին:
