ՀՀ ֆինանսների նախարար Վահե Հովհաննիսյանը ասուլիսի ժամանակ ասաց, որ Հայաստանի պետական պարտքը 2023 թվականին նախնական տվյալներով կկազմի ՀՆԱ-ի (Համախառն ներքին արդյունք) մոտ 48.4 տոկոսը:
ՀՆԱ-ի կանխատեսումները նախնական են, դեռևս չկա ՀՆԱ-ի վերջնական հաշվարկը: Կառավարությունն իր ծրագրով նպատակ է դրել հարկեր-ՀՆԱ հարաբերակցությունը հասցնել 25 տոկոսի: Նախարարը հավելեց, որ այդ ուղղությամբ բավականին մեծ առաջընթաց են գրանցել վերջին տարիների ընթացքում:
Նախարարը ուրախալի համարեց, որ ոչ ռեզիդենտ, ինչպես նաև բանկ չհանդիսացող ներդրողների կշիռը բարելավվում է: Սա նշանակում է, որ Հայաստանը դառնում է հետաքրքիր՝ միջազգային ինստիտուցիոնալ ներդրողների համար: Դրական միտումներ կան պարտատոմսերի եկամտաբերության հետ կապված:
