«ՏԱՍՍ» լրատվական ծառայության փոխանցմամբ՝ Վրաստանի պետական անվտանգության ծառայությունը հաղորդել է, որ ահաբեկչություններ իրականացնելու համար Օդեսայից Վորոնեժ ուղևորվող պայթուցիկ նյութերի բեռ են առգրավել Վրաստանում։
Վրաստանի տարածքով Ռուսաստան պայթուցիկ նյութերի տեղափոխմանը մասնակցել են Վրաստանի, Ուկրաինայի և Հայաստանի քաղաքացիներ, գործընթացը կազմակերպել է Ուկրաինան։
Ըստ գործակալության՝ չի բացառվում, որ պայթուցիկ նյութերի տեղափոխման կազմակերպիչները ծրագրել են ահաբեկչություններ իրականացնել նաև Վրաստանում։
Վրաստանից Ռուսաստանի Դաշնություն պայթուցիկ նյութեր տեղափոխելու հետևում կանգնած է Զելենսկու կուսակցության պատգամավոր Անդրեյ Շարաշիձեն, հայտնում է Վրաստանի Պետական անվտանգության ծառայությունը։
Պայթուցիկները Վրաստան են առաքվել Ուկրաինայից Ռումինիայի, Բուլղարիայի և Թուրքիայի տարածքով, Վրաստան են հասել հունվարի 19-ին, նշել է Պետական անվտանգության ծառայությունը։
