ՌԴ ԱԳՆ պաշտոնական ներկայացուցիչ Մարիա Զախարովան ճեպազրույցի ընթացքում ասել է, որ Ֆրանսիան հրահրում է էսկալացիայի հերթական փուլը Հարավային Կովկասում, դա հաստատում է Հայաստանին «CAESAR» հրետանային համակարգի մատակարարման պայմանագիրը։
Մեկնաբանելով Երևանի և Փարիզի միջև համապատասխան պայմանագիրը՝ Զախարովան նշել է, որ Փարիզը հրահրում է զինված առճակատման հերթական փուլը Հարավային Կովկասում։ Սա ևս մեկ քայլ էր։ Իրենք խոսել են այս մասին, կրկին հաստատում են։
Հիշեցնենք՝ նախօրեին Ֆրանսիայի պաշտպանության նախարար Սեբաստիեն Լըկորնյուն հայտնել էր, որ Փարիզը շարունակում է ամրապնդել պաշտպանական հարաբերությունները Հայաստանի հետ:
«Նոր կարևոր հանգրվան՝ Caesar համակարգերի ձեռքբերման պայմանագրի կնքմամբ», — X-ի իր էջում գրել էր նա:
