Ադրբեջանը Հայաստանին ուղարկել է նոյեմբերին Բաքվում կայանալիք ՄԱԿ-ի կլիմայական COP29 համաժողովին մասնակցելու հրավեր, ասել է Ադրբեջանի էներգետիկայի փոխնախարարը: Բաքվի հետ քիրվայությունը՝ Փաշինյանի արտաքին քաղաքական ուղենիշն է։ ՔՊ-ն պատրաստ է թեյ խմել Բաքվում Ալիևի և նրա կլանի անդամների հետ՝միայն թե մնան իշխանության։ Փաշինյանն ու թիմը մեկնելու են Բաքու՝մի վայր, որտեղ հայ ռազմագերիներն այս պահին կտտանքների են ենթարկվում։ ՔՊ-ն ձայն չի հանում Արցախի ռազմա-քաղաքական ղեկավարության մասին, որոնք գերի են Բաքվում, քանի որ նրանց դաշնակից Ալիևը կարող է բարկանալ։ ՀՀ-ում իշխանության են թուրք-ադրբեջանական օրակարգը սպասարկող ուժերը՝ՔՊ-ն ու նրանց դաշնակցած արևմտամետ, հակառուսական կուսակցությունների կոալիցիան։ Փաշինյանը Բաքու կարող է մեկնել հեծանիվով՝հեծանիվն է դարձել նրա սիրելի փոխադրամիջոցը։ ՀՀ-ն մեծ տեմպերով գնում է դեպի թրքացում՝ՀՀ գործող իշխանությունները տապալվել են թե ներքին դաշտում՝տնտեսությունը փլուզվում է, հայ ազգը՝արտագաղթում է, ինչպես նաև արտաքին ճակատում՝ՌԴ-ի հետ հարաբերությունները վատթարանում են, թուրքական գործոնը Հարավային Կովկասում՝ուժեղանում։ ՀՀ-ի փրկությունը ազգային ու պետականամետ ուժերի լայն կոնսոլիդացիան է՝Փաշինյանի հեռացման օրակարգով։ Քանի դեռ ՔՊ-ն Երևանում իշխանության է, Ադրբեջանը նորանոր պահանջներ է առաջ քաշելու և սպառնա հայ ժողովրդին։
Անդրանիկ Պետրոսյան
