Ռուսական բանակն, ըստ ՌԴ նախագահ Վլադիմիր Պուտինի, դառնում է ժամանակի ամենամարտունակ և բարձր տեխնոլոգիական բանակներից մեկը։ ՌԴ նախագահը հայտարարել է, որ Ուկրաինան ինքնուրույն չի կիրառում բարձր տեխնոլոգիական զենքերը, դա անում է ՆԱՏՕ-ն, իսկ ռուսական բանակն ինքնուրույն է կռվում, զինամթերքն էլ ինքնուրույն են ստեղծում։ «Ռուսական բանակը, անխոս, դառնում է ոչ միայն ամենից բարձրտեխնոլոգիական, այլև ամենամարտունակ բանակներից մեկը»,- ասել է նա։ Պուտինը հայտարարել է, թե Ուկրաինայում հաղթանակը Ռուսաստանինն է լինելու։ Նա նաև նշել է, որ Ռուսաստանը պատրաստ է շարունակելու պայքարը։ ՌԴ նախագահը հայտնել է՝ ՆԱՏՕ-ն պայքարում է ՌԴ հետ, սակայն ուկրաինացի զինվորականների ձեռքով, իսկ Ուկրաինան չի խղճում իր զինվորներին՝ ի շահ երրորդ երկրների։ «Թե երբ ՆԱՏՕ-ականները կհոգնեն մեզ հետ կռվելուց՝ կարող եք ճշտել իրենցից։ Մենք պատրաստ ենք շարունակելու այս պայքարը»,- ասել է նա։
