Իրանի նախագահ Մասուդ Փեզեշքիանը հայտարարել է, որ ԱՄՆ-ի հետ բանակցությունները կարող են վերսկսվել, եթե Վաշինգտոնը կարողանա ապացուցել բանակցելու իր կարողությունը, գրում է ՏԱՍՍ-ը:
«Պատժամիջոցներից վախենալ պետք չէ: Ոմանք ասում են, որ մենք այլ տարբերակ չունենք, քան ԱՄՆ-ի հետ նստել բանակցությունների սեղանի շուրջ: Սակայն մենք չասացինք, որ չենք բանակցելու: Մենք պարզապես գլուխ չենք խոնարհի ավազակների առաջ», — մեջբերում է նախագահի մամուլի ծառայությունը։ «Մենք մի ասացվածք ունենք՝ նախ ապացուցիր քո ազգակցական կապը, հետո պահանջիր ժառանգությունը», — բացատրել է նա՝ նշելով, որ չի կարելի նախ բոլոր պատժամիջոցները մտցնել, հետո առաջարկել բանակցություններ։
Ինչպես նշել է Փեզեշյանը, բանակցությունների համար ամերիկացիների հիմնական պայմանն այն է, որ Իրանը զենք չունենա, որպեսզի ԱՄՆ-ը «երբ ցանկանա՝ ռմբակոծել երկիրը»։
Իսլամական Հանրապետության արտաքին գործերի նախարար Աբբաս Արաղչին իր ռուս գործընկեր Սերգեյ Լավրովի հետ բանակցություններից հետո ընդգծել է, որ Իրանը չի տեսնում ԱՄՆ-ի հետ բանակցությունները վերսկսելու հնարավորություն, քանի դեռ Վաշինգտոնը շարունակում է օգտագործել սպառնալիքների և ճնշման լեզուն։
