Կանադայի արտաքին գործերի նախարար Մելանի Ջոլին զրույց է ունեցել Ուկրաինայի արտաքին գործերի նախարար Անդրեյ Սիբիգայի հետ, որի ընթացքում հաստատել է Կանադայի պատրաստակամությունը հետագայում ևս աջակցել Ուկրաինային: Այս մասին նա գրել է X սոցիալական ցանցում:
«Ես հենց նոր խոսեցի Ուկրաինայի արտգործնախարարի հետ և հաստատեցի այն շարունակական աջակցությունը, որը Կանադան ցուցաբերում է այդ երկրին։ Մենք կշարունակենք անհրաժեշտ օգնություն տրամադրել ՝ Ուկրաինայի անվտանգությունը, ինքնիշխանությունն ու կենսունակությունը երաշխավորելու համար», – գրել է նա
