Հինգշաբթի գիշերը 4,4 մագնիտուդ ուժգնությամբ երկրաշարժ է տեղի ունեցել Հարավային Կուրիլների ափերի մոտ: Այս մասին Ria Novosti-ին հայտնել է «Յուժնո-Սախալինսկ» սեյսմակայանի ղեկավար Ելենա Սեմենովան:
«Մարտի 6-ի գիշերը 4,4 մագնիտուդ ուժգնությամբ երկրաշարժ է գրանցվել։ Էպիկենտրոնը գտնվել է Խաղաղ օվկիանոսում՝ Շիկոտան կղզու Մալոկուրիլսկոյե գյուղից 60 կմ արեւելք։ Օջախը գտնվել է 85 կմ խորության վրա», — պատմել է գործակալության զրուցակիցը։
Ըստ աղբյուրի՝ 3-4 բալ ուժգնությամբ երկրաշարժը կարող էին զգալ Շիկոտանում։ Ցունամիի տագնապ չի հայտարարվել։
