Մեկնարկել է ԱԺ 8-րդ գումարման 10-րդ նստաշրջանը։
«Քաղաքացիական պայմանագիր» խմբակցությունը նոր նստաշրջանը սկսեց երկու նոր պատգամավորով։ ՔՊ-ականների շարքերը համալրել են Էսթեր Այվազյանն ու Վանիկ Օհանյանը։
ԱԺ նախագահ Ալեն Սիմոնյանը հայտարարեց. «ԿԸՀ-ն ներկայացրել է ԱԺ պատգամավոր ընտրված և լիազորությունները վաղաժամկետ դադարած պատգամավորի մանդատները հաջոդներին տըրամադրելու մասին թիվ 26 և 27 արձանագրությունները, ըստ որոնց, մանդատները տրվում են ՔՊ-ի ընտրական ցուցակի հերթական հաջորդ թեկնածուներ՝ Էսթեր Այվազյանին և Վանիկ Օհանյանին:
Ապա, Սիմոնյանը, վկայակոչելով ԱԺ կանոնակարգ Սահամանդրական օրենքը, պատգամավորներին հրավիրեց երդվելու:
Էսթեր Այվազյանը երդվեց, իսկ Վանիկ Օհանյանը ուշացել էր նիստից և չերդվեց:
Հիշեցնենք, որ նրանք փոխարինելու են ՔՊ-ական Արսեն Թորոսյանին, ով նշանակվել է Աշխատանքի և սոցիալական հարցերի նախարար ու Արեն Մկրտչյանին, ով նշանակվել է Լոռու մարզպետ։
