UFC-ի թեթև քաշային կարգի դասակարգման առաջատար Արման Ծառուկյանը հայտնի բլոգեր Էդին Ռոսին տված հարցազրույցում նշել է իր երեք սիրելի մարտիկների անունները։
Հատկանշական է, որ սկզբում Ծառուկյանը նշել է լեգենդար ամերիկացի Ջոն Ջոնսին, սակայն նրան խնդրել են չանդրադառնալ արդեն կարիերան ավարտած մարզիկներին։
«Այդ դեպքում՝ Պետր Յան, Խամզատ Չիմաև և Իսլամ Մախաչև»,- նշել է Արման Ծառուկյանը։
Նշված եռյակը հետաքրքիր ընտրություն է, քանի որ բոլորն էլ ունեն Ռուսաստանի քաղաքացիություն (թեև Չիմաևը պաշտոնապես ներկայացնում է Արաբական Միացյալ Էմիրությունները)։
Բացի այդ, երեքն էլ այս պահին կրում են UFC-ի չեմպիոնի տիտղոսը տարբեր քաշային կարգերում։ Պետր Յան՝ թեթևագույն քաշային կարգ, Խամզատ Չիմաև՝ միջին քաշային կարգ և Իսլամ Մախաչև՝ կիսամիջին քաշային կարգ։
