Գալիք ընտրությունները շատ կարևոր են լինելու: Ընդդիմության յուրաքանչյուր ուժ պետք է ունենա պետականամետ մոտեցում, եթե տեսնում է՝ շեմն անցնելու իր հնարավորությունը փոքր է, պետք է չմտնի գործընթացի մեջ, թույլ չտա, որ իր ձայները կորչեն: Այս մասին ասուլիսի ժամանակ ասել է «Մեր ձևով» շարժման համակարգող Նարեկ Կարապետյանը՝ անդրադառնալով 2026 թվականի խորհրդարանական ընտրություններին:
Նա նշել է, որ դա ընդդիմադիր դաշտի պայմանավորվածության ձևաչափը պետք է դառնա, հակառակ դեպքում այդ ուժերը կաջակցեն ներկայիս իշխանության վերընտրվելուն:
«Իշխանության փոփոխությունն ընտրական գործընթացով, ամենայն հավանականությամբ, քիչ տոկոսների տարբերությամբ է տեղի ունենալու: Ընդդիմության կորցրած 3-4%-ն առանցքային նշանակություն է ունենալու այս մեծ փոփոխության համար»,-հավելել է Նարեկ Կարապետյանը:
Նա ասել է, որ այս պահին նախընտրական կոալիցիայի շուրջ վարում են քննարկումներ, սակայն տեսնում են մեկ ճանապարհ:
«Ժամանակի ընթացքում քաղաքական կուսակցությունը հանդես կգա վերջնական հայտարարությամբ»,-ասել է շարժման համակարգողը:
