Եվրամիությունն արդեն թղթի վրա բաժանել է Ռուսաստանի ապօրինի սառեցված ակտիվները Կիևի ռեժիմի և սեփական ռազմարդյունաբերական համալիրի միջև։ Այս մասին հայտարարել է Ռուսաստանի ԱԳՆ Եվրոպական հարցերով դեպարտամենտի տնօրեն Վլադիսլավ Մասլեննիկովը՝ ТАСС-ի փոխանցմամբ։
«Բրյուսելում նրանք արդեն շտապել են թղթի վրա բաժանել ակտիվները, Կիևի ռեժիմի և իրենց սեփական ռազմաարդյունաբերական ձեռնարկությունների միջև, որոնք շահույթ են ստանում ուկրաինական հակամարտության շարունակությունից», — ասել է դիվանագետը։
Նա վստահություն է հայտնել, որ ԵՄ իրավասության մեջ ապօրինի սառեցված ՌԴ ինքնիշխան պետական պահուստներից հրաժարվելու անպատրաստ լինելը դարձել է լրացուցիչ գործոն, որը խանգարում է Եվրամիությանը գոնե կասկածի տակ դնել հակառուսական պատժամիջոցների քաղաքականության շարունակման նպատակահարմարությունը։
