Ծաղրի են ենթարկում հայ հասարակությանն ընդհանրապես, պետության հիմքերը խարխլում են՝ հանուն իրենց մեկ գերագույն նպատակի, 2026 թվականի վերարտադրության: Այս մասին ասել է «Հայսաստանը ես եմ» նախաձեռնության ղեկավար Նաիրի Սարգսյանը:
«Բանակը կրճատում է, դարձնում է 1.5 տարի՝ ընտրություններից 5 ամիս առաջ, դրանից մոտ 15 օր հետո ՀՀ ՊՆ նախարարը ասուլիս է տալիս և կոչ է անում կանանց ու աղջիկներին գնալ ծառայություն, աննորմալությունն ուղղակի սահմաններ չի ճանաչում:
Մի կողմից ասում են՝ մենք գնում ենք խաղաղության օրակարգով, մեզ պետք չէ այդքան մեծ բանակ, հաջորդ կողմից բանակի համալրման համար կանանց և աղջիկներին են փորձում ներգրավվել»,- նշել է նա:
