Իսլամական հեղափոխության պահապանների կորպուսը (ԻՀՊԿ) հայտարարել է, որ լիովին վերահսկում է Հորմուզի նեղուցը, և որ ցանկացած նավ, որը կփորձի անցնել այնտեղով, կարող է ենթարկվել հրթիռային կամ անօդաչու սարքերի հարվածի։
«Ներկայումս Հորմուզի նեղուցը գտնվում է Իսլամական Հանրապետության նավատորմի լիակատար վերահսկողության տակ», — ասել է ռազմածովային ուժերի ներկայացուցիչ Մոհամմեդ Ակբարզադեն իր հայտարարությունում, որը տարածել է իրանական Fars լրատվական գործակալությունը:
ԱՄՆ նախագահ Դոնալդ Թրամփը նախօրեին հայտարարել էր, որ ԱՄՆ ռազմածովային ուժերը պատրաստ են ուղեկցել նավթատար տանկերներին այս կարևորագույն ծովային երթուղով՝ Պարսից ծոցում։
Հորմուզի նեղուցը համարվում է աշխարհի կարևորագույն ծովային առևտրային ուղիներից մեկը և առանցքային է նավթի տարանցման համար. համաշխարհային նավթի և գազի մատակարարումների մոտավորապես հինգերորդ մասը անցնում է հենց այդ նեղուցով։
